djangoO-2021
djangoO - European Festival of Gypsy Music
djangoo, django, Django Reinhardt, gypsy music, gipsy music, gypsy, manouche, world music, music festival
1741
page-template,page-template-full_width,page-template-full_width-php,page,page-id-1741,bridge-core-2.2.1,ajax_fade,page_not_loaded,,qode-title-hidden,qode_grid_1300,footer_responsive_adv,qode-theme-ver-20.8,qode-theme-bridge,disabled_footer_top,disabled_footer_bottom,wpb-js-composer js-comp-ver-6.1,vc_responsive

djangoO 2021
München 16. dži ko 21.10.2021

Walter Abt

Artistikano direktori

Alexander Diepold

Organizacijako śerutno

Django Reinhardt

Angluni vorba

 

Etnizirime anglutno gindipe and-e amere śore kerel pale thaj pale jekh haćaripe pala o „aver“ sar varko ko si aver. Majlaćheh o rasizmo te peravas, trubun and-o themutnipe maj averčhanes thaj majbut sama te lelpe, pe inkluzija thaj khetanipe. Vi angle o themutnipe kerel fokus po socijalutne problemura thaj ni lel sama po averutno kulturako barvalipe. O paćiv thaj respekto pe barvalo artistikanipe e kulturako ke Rroma thaj Sintura thaj e śpanijake Gitanos thoven pe jek vazduni Forma o baripe e demokratikane themesko, ande savo o kethano trajipe e manuśengo perdal khetanimasko paćivalipe thaj respekto kerdol. Jekh citato katar o Centrala e Germanikane Sintengo thaj Rromengo mothavel amenge ko viram: „O khetano trajipe sa e manuśenca, and-e vorba khetanes te avelpe, sar o manuś barikano te avel, artistikanipe, kultura, poezija thaj muzika sar barikane barvalipa te paćivarenpe, kova si baro barvalipe, savo amen and-o themutnipe anas.“

 

Jekh khetano dźanglimasko drom kale śukare muzikako si, kaj andar o baro familijako khetanipe avel. Averečhandes katar e akademikaki didaktika katar e Klasika, o Jazz thaj Pop, e muzikako barvalipe nakhel katar o dad po čhavo, katar o dajo thaj kako pe phralesko čhavo thaj angle, bi akava te ramolpe. And-o rromano pero e muzikaki grupa si sar familijaki firma, and-e save e čhave thaj čheja baśalen pe dadenca thaj familijasa, pe turneje dźan thaj sebet o baro baśalipe sa maj perfekcirin pi muzika. Akija tradicija si vi adives dźuvdi and-e butvarne stilistikane muzike ko jekhthanipe: sar and-o śpanijako Flamenko, bulgarijaki Manea, germanijako-francikano Manouche-Jazz, turkijaki ćifteteli vaj o ungarijako čardaś. Ko 20. śelbrśipe khetanisalje varvera evropake muzikake stiluri ando “Jazz-Manouche” vaj “Gypsy-Jazz” khetanes. Lengo barikano śorutno seha o francikano Sinto Django Reinhardt.

 

E djangoO-Festivaluri ka istaren akala bikonvencionalutne hamimata akale barvale muzikako bi akademikane artistikane formako ande 5 evropake thema ande 5 berśa ande jekh kurko dives. Averčhanes thaj inovatovno ka prezentovipe o djangoO and-e pesko phravdimasko berś ko 2021, kana e festivaleske dostja ka aven andar e andaluzijako Flamenko, biortodostikano Swing-Fuzija thaj virtuozikano muzikaki jag andar o Balkano e barikane muzičarenca save si po hor e lumijako.

 

Baxtavon sebet o kaleidoskopo e nevutne giljavnengo, sebet e gitare thaj lautenge virtuozorja andar e sasti Evropa thaj sebet o New-Comer! E manuśa ka aven te aśunen akava ekscelentno programo, i te na pindźaren nesaven katar kala muzičajra. Naisaras, palikeras e sponzorenge thaj e muzičarenge. Kova so avel ka avel śukares.

 

(Alexander Diepold – Walter Abt)

Dieter Reiter

Forosko śorutno katar o foro München

Baxtarimaski vorba

 

E Sinti*ce thaj e Rrom*nja save beśen and-o München si jekh zuralo, butvarno thaj paćavno kotor katar e forosko themutnipe. Ba, e śelberśuni kethanimaski istorija vi akate sas lungo vrama phenrdi katar o ulavipe, diskriminacija thaj tradipe.

 

Adives si e Sinti*ce thaj e Rrom*nja paćivale sar jekhavne themutne, ba inke si bukadar kliśe, bistardimos, thaj ulavimos. Gijake mothavel amenge jekh reprezentativno Studija savi sas skurto vrama mothavdi, pala o banges dikhutni motivacija pala o kriminaliteto, a savi sas mothavdi katar o themesko foro München. Kija Studija mothavdas kaj e Sinti*ce thaj Rrom*nja save beśen and-o München inke si jekh grupo savo cidel e diskriminacija thaj o ulavipe. Akava mothavdol vi sar majanglal and-e forma katar o strukturako ulavdipe and-o sikipe, sastjaripe thaj beśipe.

 

Te mangas o cilo vaś o jekhavno themutnipe te resas thaj o rasistikano dźung te peravas, musaj si bukadar drumora te keras. Gijake kerdas e themseko foro München tala o titlo „Me sem Münchneri*ca – Me sem Sinti*ca/Rom*ni“ jekh kampanja e intervjuenca thaj pośtake kartenca. E kampanjako cilo si, o butvarnipe e München-eske Sinti*ce thaj Rrom*nja thaj lenge horne avutnipa and-e München-esko foro dikhavnes te kerdon.

 

Thaj but barikano si o paćivalipe pala o dźuvindo artistikanipe thaj kultura e Sintengi thaj Rromengi thaj e śpanijake Gitanos, kova si jekh drom savo khetanipe thaj paćivalipe mothavel perdal jekh sasto dijalogo. Jekh majlačho misal koleske si o Projekto „djangoO“, so e Sintoren thaj e Rromen andar e bukadar evropake thema pe jekh barikano vast prezentovi lengo barikano muzikako molnope thaj talento.

 

E filmura thaj mothavdipa andar kodo sar gelas e istorija e muzikake dromengo, Muzikake-Workshop thaj barikane koncertja den jekh jekhutno śajipe akija barikani thaj barvali Kultura maj intenzivno te pindźarrdolpe. Sebet kova baxtalo sem but, kaj jekh katar e pandź „djangoO“-Festivalura e lumijake pindźarde muzičarenca and-o München ka istardolpe thaj katar o angluno Koncerto and-o Purano forosko kher bi o agoripe e koncertosko and-o Foyer katar o Bayerikano themutnesko parlamento, ka kerel prezentacija sar centralno punkto pala o Flamenko, Gypsy-Swing, Manouche, Klasika, Lumijaki Muzika thaj Jazz.

 

Goleske si o „djangoO“-Festivalo katar o 16. dźi ko 21. Oktobro 2021 jekh baro barvalipe pala e Kulturako- thaj Muzikako foro München. Thaj paćav kaj perdal o dindipe vaś e kulturaki butvarnimata jekh vasno manaj ka delpe pala o jekhavno khetanipe thaj jekh sasto themutnikano perspektivako paruvipe. And-e kova godjaveripe kamav sa e muzičarenge thaj sa e festivaleske dikhindenge but baxtalipe ke akava barikano muzikako molnope e Sintengo thaj Rromengo thaj e śpanijake Gitanos!

 

(Dieter Reiter)

Workshop-ja

pala e aktivni thaj pasivni somdasne

FLAMENKO | Luja 18.10.2021
Gitara: El Chonico | 15.00 – 18.00
Khelipo: Vanesa Montero & Paco Fernandez | 18.00 – 21.00

 

Joscho Stephan | Marti 19.10.2021 | 15.00 – 18.00

 

Bobby Falta | Tetradi 20.10.2021 | 15.00 – 17.30

 

Diknu Schneeberger | Zoja 21.10.2021 | 15.00 – 17.30

 

Pokinipa  | 40€ 45 Min. Individualni lekcije 1 instruktoresa | 30€ 90 Min. Grupake lekcije | 15€ Dosti revizori | Workshop-Kurkoski karta: 90€ aktivni, 45€ pasivni

Pokinipa Khelimasko Workshop: Vanesa Montero & Paco Fernandez | Aktivni somdasne and-o grupako sikipe: 30€ 90 Min. | 60€ 180 Min. | 15€ Dosti aśunde

 

Prijavipe pala e Workshop-ja | dzi ko 15.10.2021: info@djangoo.eu

Programo

Savato, 16.10.2021
FOCUS SERBIJA

Festivali Informacije Divesesko programo

Kulturbüro Madhouse, Landwehrstraße 43, 80336 München

Savato, 16.10.2021

11.00 - 12.00 časo

Konzerti

Saal im Alten Rathaus, Marienplatz 15, 80331 München

Savato, 16.10.2021

19.00 časo

28€ | 13€ majpolezno | 8€ München Pass thaj Madhouse | Angluno bikinipe muenchenticket | Blel-kasa

 

 

BRANKO BAKO JOVANOVIĆ – BALKAN GYPSY

 

O Branko Jovanović savo si bijando an-o 1988 berś, si jekh terrno, but talentovime muzičari, savo kerdas po anav but avrjal thaj majbuhles katar o Balkano sar jekh katar e majbarikane virtuozuri pe tamburica, pe pandźe thavengi gitara-mandolina. Vi sar 12-berśengo čhavrro mothadas but baro intereso te baśalel pe akava instrumento. Lesko talento but sigo bajrilas dźi ke jekh katar e majrodine solisturi andar e Srbija. Peske ansamblesa si kamlo dikhindo sar dosti pe butvarne evropake festivaluri sar barikano reprezentanto e Balkan-Gypsy-Musikako. O Branko Bako Jovanović si jekhutno and-e pesko virtuozuno baśalipe pe tamburica thaj vov arakhel pesko karakteristikano thaj dźi akana na dikhindo muzikako stilo.

Kurko, 17.10.2021
FOCUS ŚPANIJA

Festivali Informacije Divesesko programo

Kulturbüro Madhouse, Landwehrstraße 43, 80336 München

Kurko, 17.10.2021

11.00 - 12.00 časo

Konzerti

Kulturzentrum Gasteig, Carl-Orff-Saal, Rosenheimer Straße 5, 81667 München

Kurko, 17.10.2021

20.00 časo

37€ Kat.1 | 24€ Kat. 2 | 17€ polezno | 9€ München Pass thaj Madhouse | Angluno bikinipe muenchenticket | Blel-kasa

Amalimaske źutimasa katar o

 

 

EL AMOR BRUJO – FLAMENCO PURO

khetanes o Chonchi Heredia, cante; Munich Guitara / Ltg. Walter Abt; Antonio Heredia, git; Paco Fernandez, Khelipe; Vanesa Montero, Khelipe; Sara Heredia, cante

 

 

Chonchi Heredia

O Chonchi Heredia si jekh katar e majrodine krle ande luma e Flamenkoski. Laki familija avel andar o Sacromonte an-e Granada. Laki sumnakuni karijera lijas sar terni talentovime čhaj an-o Flamenko-Tablaos an-e granadijako Albaizyn. An-o Madrid phučle e barikane flamenkoske artistoren lasa ton-filmo te keren. Voj kheldas paśa lumijake pindźarde khelimaske figure sar kaj si o Joaquín Cortés, Juana Amaya vaj Antonio Canales pe barikane khelimaske festivalja. Lako talento baxtardas e modernone Ansamblos an-e Śpanija vi sar o Jorge Pardo, Chano Domínguez, Miguel Bosé, Los Rodríguez thaj Estopa. Majpalal kheldas e majpindźarde barikane manuśesa Flamenko – Paco de Lucía – Chonchi and- Ansamblo, lesa pe lumijaki turneja sar angluni gilavni khetanes gelas. Po koncerto gilavel o Chonchi Heredia e Canciones andar o Manuel de Fallas Ballett El Amor Brujo, paśa leste si andar e Munich Guitars kotar o Walter Abt e solistenca Julia Malischnig thaj Ken Weinzierl.

 

Chonchi Heredia po Facebook

Antonio Heredia (El Chonico), Paco Fernández, Vanesa Montero thaj Sara Heredia

 

O Flamenko-puro haćarel o Ansamblo andar e granadijako gitaristo El Chonico, dem Tänzer Paco Fernández, e khelavni Vanessa Montero thaj Sara Heredia, gilavni. O barikano śpanijako gitarista thaj gilavno Antonio Heredia dujtone anavesa „El Chonico“ si jekh katar e majbarikane lumijake Flamenko- baśalne. Vov avel andar e tradicijaki artistikani familija Heredia, leski nani sas e barikani Flamenko-gilavni La Faroaona. E El Chonicosko stilo si biulavdo phanglo leske avimasa: Vov sas and-o barikano flamenkosko than „Sacromonte“ bijando. Leski rromni si lesa pe bina – e gilavni Sara Heredia, -Chonchiseski phen, jekh katar e majthule krrle and-o Cante Jondo. „O flamenko si khelipe misurasko, vastengo thaj truposko“, kadija vakarel o Paco Fernandez andar o Madrid, jekh katar e majbarikano sićari e flamenkosko an-e Śpanija thaj majlačho interpretato e iberikane artistikanimsko. Leski amalin thaj khelimaski inspiracija si e Vanessa Montero, aktuelno jekh katar e majphučli khelavni an-e Andaluzija. Voj mothavel po khelipe andar o jagavno temperamento, pesko baro senzibiliteto thaj peski ekspresivno zor. O El Chonico peske Ansamblesa ande akava španijako ablav e flamenkoske kamlen ka baxtarel!

Munich Guitars, śorutnipe Walter Abt
Solistura: Walter Abt, Ken Weinzierl (Gitara); Peter Cudek (Kontrabas)

 

Ni phandel badava akava ansamblo and-e peski kompozicija e globalni lumije e Flamenkoske kolenca so o Jazz thaj e Klasika, peske fuzijasa and-e akija forma dźi akana jekhavni si thaj mothavel kaj o Flamenko avrjal e Śpanija inke pale nevo maladol.

 

O nevo muzičari and-o Abts Ensemblo si o Kontrabasisto Peter Cudek. And-e slovakijaki Bratislava kerdas jekh sikavipe ko E-Bass, arlisardas ko Kontrabas thaj agorisardas o klasikano studijumo po Konzervatorijum and-e pesko bijanimasko foro thaj and-o München. Pala o lačhes agorno sikipe ko lumija pindźarrdo Jazzbasisto Ron Carter and-o New York leske kopiripa thaj konceteske turneje e elitane evropake Jazz, kerde le te avel internacionalno pindźarrdo.

 

Walter Abt Web-rig        Peter Cudek Web-rig        Las puertas de Garachico Youtube

Luja, 18.10.2021
FOCUS ŚPANIJA/FRANCIJA

Festivali Informacije Divesesko programo

Kulturbüro Madhouse, Landwehrstraße 43, 80336 München

Luja, 18.10.2021

11.00 - 12.00 časo

Workshop

Spanisches Kulturinstitut Cervantes, Alfons-Goppel-Straße 7, 80539 München

Luja, 18.10.2021

15.00 - 18.00 časo

40€ 45 Min. Individualni lekcije 1 instruktoresa | 30€ 90 Min. Grupake lekcije | 15€ Dosti revizori | Workshop-Kurkoski karta: 90€ aktivni, 45€ pasivni | Prijavipe dźi ko 15.10.2021: info@djangoo.eu

WORKSHOP FLAMENKO GITARA
e El Chonicosa, Granada

Workshop

Spanisches Kulturinstitut Cervantes, Alfons-Goppel-Straße 7, 80539 München

Luja, 18.10.2021

18.00 - 21.00 časo

Aktivni somdasne and-o grupako sikipe: 30€ 90 Min. | 60€ 180 Min. | Prijavipe dźi ko 15.10.2021: info@djangoo.eu

WORKSHOP FLAMENKO KHELIPE
e Vanesasa Montero & Pacosa Fernandez

Konzerti

Kulturzentrum Gasteig, Carl-Orff-Saal, Rosenheimer Straße 5, 81667 München

Luja, 18.10.2021

20.00 časo

37€ Kat.1 | 24€ Kat. 2 | 17€ polezno | 9€ München Pass thaj Madhouse | Angluno bikinipe muenchenticket | Blel-kasa

HOMMAGE A DJANGO – Biréli Lagrène & Joscho Stephan

 

Sar „legitimno pharnavo katar o Django Reinhardt“ o Biréli Lagrène dumutan iklistah andar e luma e bare rromane muzičarengi Reinhardt – vi sebet kodo, kaj lel sama majbut karing o Jazz, Folk thaj moderno muzikako drom. Sa majbut dźene si kola save e Lagrenesa khetanes buti keren: Kate śaj nesaven te leparas sar kaj si o Richard Galliano, Herbie Hancock kotar o Al Di Meola thaj John McLaughlin, Larry Coryell dźi ko Billy Cobham. Sar barikano talentovime čhavrro thaj varko ko si dikhindo sar Djangoski-Reinkarnacija, o Gitarista Biréli Lagrène pala o dźape ko Bebop thaj Jazzrock pale irilpe peske muzikake drabenge – ko Gipsy-Swing. Vi o Jośo Stephan bajrarel peske baśalimasa o moderno Gypsy Swing. Vov haćarel thaj dźanel sar khonik aver, katar e bukadar aktuelni Gypsy Swing adaptacije, te sikavel thaj phandel, e bukadar pindźarde interpretacije pindźarde Klasikako e źanresko Gypsy Swing khetanes ko Latino, Klasika thaj Pop. Kate dikolpe e Stephanesko ziralipe thaj vi kodo kaj vov si kreativno vizioneri. Thaj kava baxtarel e terrne thaj purane koncerteski publika. Po Jośesko Albumo „Guitar Heroes“, maladilas o angluno maladipe maškar o Gypsy Jazz Legenda Biréli Lagrène. Khetanes e basistesa Peter Bockiusesa liduj džene ka baśalen peski averutni muzika. Jekh si sigurno: Peske draba kotar o Gypsy Swing liduj dźene naśti te guraven.

 

Biréli Lagrène Web-rig   Joscho Stephan Web-rig

Marti, 19.10.2021
FOCUS GERMANIJA/ŚPANIJA

Festivali Informacije Divesesko programo

Kulturbüro Madhouse, Landwehrstraße 43, 80336 München

Marti, 19.10.2021

11.00 - 12.00 časo

Workshop

Spanisches Kulturinstitut Cervantes, Alfons-Goppel-Straße 7, 80539 München

Marti, 19.10.2021

15.00 - 18.00 časo

40€ 45 Min. Individualni lekcije 1 instruktoresa | 30€ 90 Min. Grupake lekcije | 15€ Dosti revizori | Workshop-Kurkoski karta: 90€ aktivni, 45€ pasivni | Prijavipe dźi ko 15.10.2021: info@djangoo.eu

WORKSHOP E JOSCHO STEPHANESA
pala e aktivni thaj pasivni somdasne

Filmo

Spanisches Kulturinstitut Cervantes, Alfons-Goppel-Straße 7, 80539 München

Marti, 19.10.2021

18.00 - 19.00 časo

Filmeski prezentacija thaj agornes o Symposium: 2€ Eintritt (pala e somdasne bi pokinimasko)

LA CHANA – MURO TRAJO, JEKH KHELIPE
E Antonia Santiago `La Chana‘ Amador, talentovime Flamenkoski-khelavni irilpe pala tranda berśa pale palpale pe bina, jekh paluno, beśutni prezentacija te mothavel. O filmo kerel jekh dokumentacija andar o trajo e khelavnjako pe bina thaj pala e bina, thaj mothavel, soske po hornipe peske karijerako andar jekhdrom katar e bina xasalji…

Reźija: Lucija Stojevic
Śpanija 2016 · OmU · 61 Minute

And-o dijalogo - kultura thaj socialipe, istorija thaj sikipe

Spanisches Kulturinstitut Cervantes, Alfons-Goppel-Straße 7, 80539 München

Marti, 19.10.2021

19.00 - 19.30 časo

FOCUS ŚPANIJA
Granada sar moderno foro pala e lačhes kerdi integracija

Konzerti

Künstlerhaus, Lenbachplatz 8, 80333 München

Marti, 19.10.2021

20.00 časo

28€ | 13€ majpolezno | 8€ München Pass thaj Madhouse | Angluno bikinipe muenchenticket | Blel-kasa

JAZZ MANOUCHE

 

Bobby & Lancy Falta thaj Peter Bockius

 

Bobby und Lancy Falta

 

“Me haćarav ma sar Sinto, savo maj moderno baśalel, no so e tradicionalistura adźićaren”, vaćarel o Bobby Falta, savo ke 60utne berśa sar solo gitarista ko Schnuckenack-Reinhardt-Quintett but baripe kerdas. Pala akija era gelo tar anglune pasura karing aver muzika majdur katar o tradicionalno Swing. Peradas e dikcija „Jekh Sinto musaj si sar o Django te baśalel“ kerdas moderno Jazz perdal 6 thava, lindos inspiracija katar o Wes Montgomery thaj Barney Kessel. Lesko ćavrro o Lancy avilas sar muzikako talento sar ande lesko drom. Kana sas le 10 berśa sikilas gitara te baśalel katar po dad. Lesko baro baśalimasko nivelo thaj leski ulavdi tehnika lindi si katar e barikane evropake thaj uprune amerikake Jazz muzičarja. Vi ko 1994 o dad thaj čhavo lije kulturaki pursak ko foro Memmingen pala peski inovativno muzika.

Bobby Falta ke Wikipedia   Lancy Falta Web-rig

Peter Bockius

 

Andar o Freiburg pala peske studije laglotar an-o München, kerdas peske anav sar śorutno basista ande Evropa. Leske amala keren leske paćiv sebet lesko barikano baśalipe po Bass, savo gija precizno śundol vi sar e śvajcosko kaśtuno/časo.

Peter Bockius Web-rig

Zipflo Reinhardt & Joe Bawelino

 

O Zipflo Reinhardt, savesko familijako pindźardo sas o Django Reinhardt so o Jazz and-e Evropa andas, si jekh katar e majmoderno Jazz lautari peske epohako. Leste haminpe bukadar stilenge elementuri ande jekh nevo baśalipe vaj kerel prezentacija vaś o pindźardo Jezz standardo and-e nevo muzikako dikhlo. Paśa leste ka baśalel lesko butebrśengo amal o Joe Bawelino, savo an-e gitarengi Manouche-Tradicija kerel sar kaj si o „Oreos Collection Jazz“ jekh majbari svingeski sinteza katar o Django-muklipe thaj Charlie Christianeski śkola.

Zipflo Reinhardt Web-rig   Joe Bawelino ke Wikipedia

Tetradi, 20.10.2021
FOCUS FRANCIJA/AUSTRIJA

Festivali Informacije Divesesko programo

Kulturbüro Madhouse, Landwehrstraße 43, 80336 München

Tetradi, 20.10.2021

11.00 - 12.00 časo

Workshop

Spanisches Kulturinstitut Cervantes, Alfons-Goppel-Straße 7, 80539 München

Tetradi, 20.10.2021

15.00 - 17.30 časo

40€ 45 Min. Individualni lekcije 1 instruktoresa | 30€ 90 Min. Grupake lekcije | 15€ Dosti revizori | Workshop-Kurkoski karta: 90€ aktivni, 45€ pasivni | Prijavipe dźi ko 15.10.2021: info@djangoo.eu

WORKSHOP E BOBBY FALTASA
pala e aktivni thaj pasivni somdasne

Filmo

Spanisches Kulturinstitut Cervantes, Alfons-Goppel-Straße 7, 80539 München

Tetradi, 20.10.2021

17.30 - 19.00 časo

Filmeski prezentacija thaj agornes o Symposium: 2€ Eintritt (pala e somdasne bi pokinimasko)

PADMAD ANDAR O: DJANGO – JEKH TRAJO PALA E MUZIKA
An-o Pariz ko berś 1943 o Jazz-muzičari Django Reinhardt gurudilo and-o sigurnipe. Iako sas lesko avutnipe katar e Sintura, leski Swing-Muzika sas but kamli katar e nacisturja. Ba kaj ni kamlas and-e Germanija pe turneja te dźal, musaj sas and-o Śvajco te naśel. Ba kova ni ačhilas but vrama bidźanglo…
Reźija: Étienne Comar
Francija 2017 · 117 Minute

And-o dijalogo - kultura thaj socialipe, istorija thaj sikipe

Kulturbüro Madhouse, Landwehrstraße 43, 80336 München

Tetradi, 20.10.2021

19.00 - 19.30 časo

Diskusija andar e filmesko istaripe

Konzerti

Maximilianeum Bürklein Halle, Max-Planck-Straße 1, 81675 München

Tetradi, 20.10.2021

20.00 časo

30€ | 14€ maj polezno | 9€ München Pass thaj Madhouse | Angluno bikinipe muenchenticket | Blel-kasa

Diknu Schneeberger Trio

 

O Diknu Schneeberger Trio dikhindo si sar jekh j´katar e majlačhe Gypsy Jazz Bands pe luma. E trine źicenge instrumentenca akava Trio andar o Beč baxtarel pe jekh barikano vast peske uśunden. O Diknu ramosarel korkore màjbut e kompozicije thaj kolesa anel jekh originaliteto and-o programo. Lenge averutne Groove thaj jagavne the haćarimasa pherde melodije buhljaren e trajoski bax thaj pozitivo energija – jekh čačo śunimasko barvalipe! Ko berś 2020 avile duj neve lačhe muzičarja and-o Dikno Trio. Julian Wohlmuth, dumultano amal katar o Diknu, godeti peske barikane gitarake ritmenca o grupo thaj anel jekh śukar śunimaski bax, barikanipe thaj baro friśope pala e muzikako molnope. O kontrabasisto Martin Heinzle anel lačho sound and-o Trio. Peske virtuozimasa thaj lačhes dikinde haćarimasa pala o ton, baśalel brilijantno o soliripe vi ko khetano baśalipe thaj anel peske haćarne Groove-nca lačho muzikako drom and-o grupo.

Diknu Schneeberger Web-rig

Zoja, 21.10.2021
FOCUS EVROPA

Festivali Informacije Divesesko programo

Kulturbüro Madhouse, Landwehrstraße 43, 80336 München

Zoja, 21.10.2021

11.00 - 12.00 časo

Workshop

Spanisches Kulturinstitut Cervantes, Alfons-Goppel-Straße 7, 80539 München

Zoja, 21.10.2021

15.00 - 17.30 časo

40€ 45 Min. Individualni lekcije 1 instruktoresa | 30€ 90 Min. Grupake lekcije | 15€ Dosti revizori | Workshop-Kurkoski karta: 90€ aktivni, 45€ pasivni | Prijavipe dźi ko 15.10.2021: info@djangoo.eu

WORKSHOP E DIKNU SCHNEEBERGERESA
pala e aktivni thaj pasivni somdasne

And-o dijalogo - kultura thaj socialipe, istorija thaj sikipe

Spanisches Kulturinstitut Cervantes, Alfons-Goppel-Straße 7, 80539 München

Zoja, 21.10.2021

17.30 - 19.00 časo

SIMPOZIUM

 

Muzika thaj kultura sar istrumento pala o Empowerment, Somdasnipe thaj Dijalogo

 

DISKUSIJAKE SOMDASNE:

 

MdEP Romeo Franz
Die Grünen/EFA Frakcija and-o Evropako Parlamento

 

Alexander Diepold
Madhouse München

 

„So and-e muzika perdal e śelberśa praktikovipe sar jekh normaliteto, and-e politika dikholpe sar problemo. Sar śaj te istaras e muzika thaj e kultura sar instrumentura pala e inkluzija thaj somdasnipe katar e Rroma thaj Sintura and-e Evropa? Jekh diskusijako blel andar e rola e muzikaki thaj kulturaki ko dijalogo maśkar e minoriteta thaj butvarniteta, sar Empowerment pala e terrne manuśa, sar śajipe pala o sikavipe thaj sar jekh platforma, katar jekh rig o dindogodipe te bajrarel, thaj avere rigatar o Anticiganizmo te peravel.“

Konzerti

Spanisches Kulturinstitut Cervantes, Alfons-Goppel-Straße 7, 80539 München

Zoja, 21.10.2021

19.00 časo (naj pala sa avrutne somdasne)

AGORIMASO KONCERTO E SOMDASNENGO E DOCENTENCA